JEUG EN JONGMENSE
Dagsê aan die ouers van ons jongmense van Gr 1 tot Gr 12!
Ons hier by die kerk ervaar net soos julle die frustrasie van die onpersoonlike kontak via rekenaars, selfoonskerms en sommer net die verlies aan mense!
Ons jongmense (dis nou julle kinders!) het dit duidelik deur ons kategete en die Jeugspan gekommunikeer dat hulle so graag net op ‘n persoonlike vlak wil kontak hê en …
Ons het by die skole geleer en beoog dus om vanaf Sondag 20 September te begin met ‘n jeugdiens vir Ignite (gr 1-6) om 09:00 – 10:00 en vir Tightly Bound (Gr 7-9) en die Belydenisfase (Gr 10 en 11) om 17:00 – 18:00. Die kerksaal is vir beide hierdie geleenthede voorberei.
Maar …
Ons het nog altyd gesê dat ons van die kerk se kant af eintlik julle vennote is in die geestelike geloofsvorming van julle kinders en daarom benodig ons julle insette en wil graag ook met julle kante te raak!
Ons stuur dus vir julle ‘n volledige dokument rakende ons plan, program, regulasies, hoe, wat, waar, wanneer ensomeer. Kontak ons gerus enige tyd indien u enige vrae het!
Die dokumente is as volg:
Ignite:
www.ngmontana.co.za/images/IgniteTightlyBoundInfo/Ignite_Informasie_Brief_PDF.pdf 

Tightly Bound:
www.ngmontana.co.za/images/IgniteTightlyBoundInfo/TIGHTLYBOUND_INLIGTING_VORM.pdf

Ons vertrou dat as verantwoordelike ouers u die dokumente deeglik sal deurgaan en dan asseblief aan ons ‘n aanduiding sal gee of u daarmee tevrede is en u kind(ers) op ‘n Sondag sal bring.
Ons kategete en die Jeugspan wag dat u dit sommer via hulle hierop sal reageer voor Dinsdagaand 15 September.