Dis weer daai tyd van die jaar – Pannekoek, pret en pure plesier!

Wat wag op jou by die groot dag…?
Bring jou lekker kuier-gees en kom sit saam in die Teetuin waar Loslit se dansorkes jou voete sal laat jeuk terwyl jy sluk aan ‘n koppie kondensmelk-koffie, tee of iets kouds! Daar’s Pannekoeke gevul met alles behalwe jou belastingterugbetaling, ‘n interessante klomp stalletjies, SANBS wat wag vir daardie superheld bloedskenking van jou af, en ‘n speelpark waar kinders hulle energie kan loslaat.

Wat’s op die spyskaart, vra jy?
Van russian twists wat jou laat twis oor ‘n tweede porsie, bobotie wat jou laat terugdink aan Ouma se kombuis, hoender-mayonnaise vir die fynproewers, maarlvleis-en-kaas pannekoeke vir die honger manne, tot spek-en-kaassous wat jou
hart (dalk jou dieet) vinnig laat klop. Gooi daarby ‘n paar cheesegrillers met “funky” souse, peppermintcrisp of lemon meringue vir die soetbekke en natuurlik – melktert, want geen fees is volledig sonder daai bietjie kaneelmagie nie!